"Tottenhem" klubunda baş məşqçi dəyişikliyindən sonra növbəti ayrılıq gerçəkləşib.
Bizim.Media xəbər verir ki, niderlandlı mütəxəssis Con Heytinqa klubdan ayrılıb.
Mütəxəssis London təmsilçisinin məşqçilər korpusunda cəmi 33 gün fəaliyyət göstərə bilib. Yanvarın ortalarında komandaya qoşulan C.Heytinqa baş məşqçi Tomas Frankın uğursuz nəticələrə görə qovulması və yerinə xorvatiyalı İqor Tudorun gətirilməsindən sonra vəzifəsini tərk etmək qərarına gəlib.
Qeyd edək ki, "Tottenhem" hazırda Premyer Liqada 16-cı pillədə qərarlaşıb. Klub fevralın 22-də Şimali London derbisində əzəli rəqibi "Arsenal"la qarşılaşacaq.
Bizim.Media
