- A-
- A
- A+
ABŞ-dan növbəti HÜCUM DALĞASI – İran hədəfləri belə vuruldu – VİDEO
ABŞ Mərkəzi Komandanlığı (CENTCOM) İrana qarşı həyata keçirilən ardıcıl 11-ci zərbələr seriyasının başa çatdığını bildirib.
Bizim.Media xəbər verir ki, bu barədə CENTCOM-un açıqlamasında məlumat verilib.
Bildirilib ki, əməliyyat zamanı İranın hərbi komanda məntəqələri, dəniz obyektləri, təyyarə anqarları, pilotsuz uçuş aparatlarının saxlanıldığı məntəqələr və hərbi logistika infrastrukturu hədəfə alınıb. Məqsədin İranın Hörmüz boğazında kommersiya gəmiçiliyini təhdid etmək imkanlarını zəiflətmək olduğu qeyd edilib.
Açıqlamada, həmçinin son üç ay ərzində İranın Hörmüz boğazından keçən 30-dan çox ticarət gəmisinə hücum etdiyi iddia olunub. CENTCOM bu hücumların yüzlərlə dənizçinin həyatını təhlükə altına saldığını və beynəlxalq gəmiçiliyə mənfi təsir göstərdiyini bildirib.
Komandanlığın məlumatına görə, buna baxmayaraq, Hörmüz boğazı kommersiya daşımaları üçün açıq qalır. Qeyd edilir ki, mayın əvvəlindən ABŞ Mərkəzi Komandanlığı təxminən 900 ticarət gəmisinin və 450 milyon barel xam neftin təhlükəsiz tranzitini dəstəkləyib.
Bizim.Media
Mətndə səhv varsa, onu qeyd edib ctrl + enter düyməsini basaraq bizə göndərin.
