Fransız diplomatların saxlanılmasına Əraqçinin CAVABI

İran fransız diplomatların saxlanılmasına münasibət bildirib.

Bizim.Media xəbər verir ki, İranın xarici işlər naziri Abbas Əraqçi fransalı həmkarı Jan-Noel Barro ilə telefon danışığı zamanı Tehrandakı iki fransız diplomatın diplomatik normalara zidd olan hərəkətləri ilə bağlı etirazını bildirib.

O, bu cür davranışın qəbuledilməz olduğunu deyib və vurğulayıb ki, ölkənin qanun və qaydalarına riayət olunmalıdır:
 

"Eləcə də diplomatik prinsip və normalara sadiqlik xarici nümayəndəliklərin fəaliyyətinin davam etməsi üçün zəruri şərtdir".

Əraqçi bu kimi hərəkətlərin təkrarlanmasının qarşısını almağa və Fransa hökuməti tərəfindən lazımi tədbirlərin görülməsinə çağırıb.

Xatırladaq ki, Fransanın xarici işlər naziri Jan-Noel Barro iyulun 20-də iki fransız diplomatın İran təhlükəsizlik qüvvələri tərəfindən "son dərəcə ciddi hədə-qorxu aktına" məruz qaldığını bildirib. (report.az)

Bizim.Media