Almaniya və Böyük Britaniya geniş müdafiə əməkdaşlığının bir hissəsi olaraq 2034-cü ilə qədər 2000 kilometr məsafədəki hədəfləri vura bilən qanadlı raket hazırlamağı planlaşdırır.
Bizim.Media xəbər verir ki, bu barədə “Die Welt” qəzeti məlumat yayıb.
Bildirilib ki, bu layihə "Dərin Dəqiqlik Zərbəsi" (DPS) adlanır.
London 35 milyard avroluq proqramı bu yaxınlarda Ankarada keçirilən NATO sammitində elan edib.
Sınaq üçün iki növ raket planlaşdırılır. Bir variant hava hücumundan müdafiə sistemlərindən yayınmaq üçün aşağı hündürlükdə uçuşlar üçün nəzərdə tutulacaq. Digəri isə səs sürətindən beş dəfə sürətli uçan hipersəsli raket olacaq.
Alman mediasının qeyd etdiyi kimi, bu layihə Avropanın hərbi sahədə ABŞ-dan asılılığının azalmasını göstərə bilər.
"The Telegraph" qəzeti isə yazıb ki, Britaniya və Almaniya uzaq mənzilli raketi Rusiyadan müdafiə üçün hazırlayır.
Nəşrin məlumatına görə, Britaniyanın müdafiə strategiyası ilə tanış olan mənbələr bildirib ki, London Almaniyanı Moskvaya qarşı durmaq üçün vacib hesab edir.
Qeyd olunur ki, yeni münasibətlər ikitərəfli müqaviləyə - “Trinity House və Kensington Sazişinə əsaslanır və bu müqavilələr Almaniyanın müdafiə sənayesinin Böyük Britaniyada rəhbərlik etdiyi bir sıra layihələri həyata keçirməyə imkan verib.
Bunlara Britaniya sularını rus təxribatçılarından qoruyacaq dəniz dronları donanması, artilleriya istehsalını artıran 400 milyon funt sterlinq dəyərində "Garment Hall" və Britaniya Ordusunun piyada döyüş maşını olan Rheinmetall-ın Boxer-in ən son versiyası daxildir.
Lakin, “The Telegraph”ın da qeyd etdiyi kimi, layihənin əsas mərkəzi Rusiyadakı strateji hədəfləri 2000 km məsafədən məhv edə bilən bir raket yaratmağı hədəfləyən DPS raket sistemi proqramıdır.
Müdafiə sənayesi mənbələri layihənin Almaniya maliyyəsi və Britaniya təcrübəsinin kombinasiyasına əsaslanacağını bildirirlər.
Melisa, Bizim.Media
