Serbiya prezidenti Tomislav Nikoliç Azərbaycanın bu ölkədəki səfiri Eldar Həsənovu iki ölkə arasında sülh əməkdaşlığının möhkəmləndirilməsinə və inkişafına verdiyi töhfəyə görə Serb bayrağının II dərəcəli ordeni ilə mükafatlandırıb.
Yüksək mükafata Azərbaycan səfirindən başqa Rusiya və Belarus səfirləri də layiq görülüblər.
Serb bayrağı ordeni 2009-cu ildə təsis edilib. O, beynəlxalq münasibətlərin inkişafında, həmçinin Serbiya ilə başqa ölkələr, eləcə də beynəlxalq təşkilatlar arasında sülh əməkdaşlığının və dostluq əlaqələrinin möhkəmləndirilməsində xüsusi xidmətlərə görə verilir.(Virtualaz.org)
