Paytaxtın ticarət dövriyyəsi 15 mlrd. manatı ÖTÜB

Bu ilin yanvar-iyul aylarında Bakıda ticarət dövriyyəsinin həcmi 2021-ci ilin yanvar-iyul ayları ilə müqayisədə 5,7% artaraq 15 247,2 mln. manat olub.

Bizim.Media xəbər verir ki bu barədə Bakı Statistika İdarəsinin yaydığı məlumatda qeyd olunub.

Bildirilir ki, ticarət şəbəkəsində satılan ərzaq məhsulları, içkilər və tütün məmulatlarının dəyəri əvvəlki ilin müvafiq dövrü ilə müqayisədə 12,6% artaraq 8 532,6 mln. manata, qeyri-ərzaq məhsullarının həcmi isə 1% azalaraq 6 714,6 mln. manata bərabər olub.

Məlumata görə, istehlak məhsullarının 36,3%-i hüquqi şəxs statuslu müəssisələrdə, 46,7%-i fərdi sahibkarlara məxsus ticarət obyektlərində, 17%-i isə paytaxtın məhsul bazarlarında satılıb.

Bizim.Media