Sen-Trope Epşteynin Fransadakı cinayət fəaliyyətinin mərkəzlərindən biri olub

Amerikalı maliyyəçi, çoxsaylı seksual cinayətlərdə ittiham olunan Ceffri Epşteyn illər ərzində Fransanın Sen-Trope şəhərinə mütəmadi səfərlər edib. Məlumata görə, şəhər onun cinayət fəaliyyətini təşkil etdiyi məkanlardan biri olub.

Bizim.Media xəbər verir ki, Fransanın Le Monde qəzetinin yazdığına görə, Epşteyn demək olar ki, hər yay məşhurların, milyarderlərin və gənc modellərin istirahət etdiyi Sen-Tropedə olub.

Yanvar ayında Epşteyn işi ilə bağlı yayımlanan sənədlərdə onun 2002-ci ildə Sen-Tropedə çəkilmiş fotoları da üzə çıxıb. Şəkillərdə maliyyəçi şəhərin küçələrində və çimərlikdə şəriki Gisleyn Maksvell ilə birlikdə görüntülənib.

Həmin il Epşteyn və Maksvell iyunun 29-dan iyulun 20-dək “Mirage” adlı lüks villanı həftəlik təxminən 100 min avroya kirayələyiblər.

Le Monde-un məlumatına görə, Epşteyn Sen-Tropedə demək olar ki, hər il, əsasən yay aylarında olub. 2002-ci ildə o, şəhərin Avenue Foch küçəsində böyük mənzil də alıb.

Epşteyn 2019-cu ilin avqustunda ABŞ həbsxanasında, çoxsaylı seksual cinayətlər üzrə məhkəməyə çıxarılmamışdan əvvəl ölüb.

Bizim.Media