Olimpiada-2026: Xokkey turnirinin əsas favoriti açıqlandı

Bukmeykerlər 2026-cı ildə İtaliyanın Milan və Kortina-d’Ampezzo şəhərlərində keçiriləcək Olimpiya Oyunlarının kişilər arasında xokkey turnirinin əsas favoritlərini açıqlayıblar. 

Bizim.Media xəbər verir ki, bu barədə Sport24 nəşri məlumat yayıb.
 

Analitiklərin hesablamalarına görə, ABŞ milli komandası 1,85 əmsalla qızıl medal uğrunda mübarizədə lider hesab olunur. Kanada yığması amerikalılardan cüzi fərqlə geri qalır — onların qələbə əmsalı 1,95 təşkil edir. Favoritlər siyahısında üçüncü yerdə Çexiya qərarlaşıb (18,00), hazırkı Olimpiya çempionu olan Finlandiyanın isə şansları 22,00 əmsalla qiymətləndirilir.

Olimpiya xokkey turniri 11 fevralda start götürəcək. Açılış matçında Slovakiya və Finlandiya yığmaları üz-üzə gələcək.

Qeyd edək ki, Rusiya milli komandası 2022-ci ildən etibarən beynəlxalq yarışlardan kənarlaşdırılıb. Yanvarın 21-də Beynəlxalq Buzüstü Xokkey Federasiyası (IIHF) rusiyalı və belaruslu idmançılara tətbiq olunan məhdudiyyətlərin müddətini 2027-ci ilə qədər uzadıb.

Bizim.Media