“Qarabağ” bu gün uduzsa, nələr itirəcək?

“Liverpul” aşkar favoritdir və çox böyük komandadır. Büdcəsi milyarddan yuxarıdır və səfərdə oynadığımızı nəzərə alaraq, “Qarabağ” – “Liverpul” oyununa proqnoz vermək çox çətindir.

Bizim.Media xəbər verir ki, bu sözləri Axar.az-a açıqlamasında idman jurnalisti Ceyhun Rzayev deyib.

“Əsas odur ki, uduzsa da, mübarizəsini aparsın. Buna da şübhəmiz yoxdur. “Qarabağ” həmişə meydanda mübarizə aparır.
 

“Qarabağ” heç nə itirməyəcək. 99% pley-off mərhələsini təmin edib. Çünki mövqe elədir ki, 18-ci yerdədir və 10 xalı var. 24-lüyə düşmək üçün özündən geridə olan 7 komandanın 7-si də qalib gəlməlidir. Bu da inandırıcı deyil.

Nəticədən asılı olmayaraq, bütün Azərbaycan axşamkı oyunu izləyib həzz almalıdır”, - o bildirib.

Qeyd edək ki, “Qarabağ” və “Liverpul” arasında oyun bu gecə Bakı vaxtı ilə 00:00-da başlayacaq.

Bizim.Media