Bəşər Əsəd Moskvada həkimlik peşəsinə qayıtmaq qərarına gəlib – Rus dilini öyrənir

Suriyanın keçmiş prezidenti Bəşər Əsəd Moskvada həkimlik peşəsinə qayıtmaq qərarına gəlib və oftalmologiya üzrə biliklərini dərinləşdirir.

Bizim.Media xəbər verir ki, bu barədə “The Guardian” məlumat yayıb.

Nəşrin yazdığına görə, o, rus dilini də öyrənir və gələcəkdə Moskvada imkanlı şəxsləri müalicə etməsi istisna edilməyib.

Mənbə qeyd edir ki, Əsəd maliyyə çətinliyi yaşamır: onun sərvətinin bir hissəsi Rusiyaya keçib. İddia olunur ki, onun ailəsi Rublyovkada, Ukraynanın keçmiş prezidenti Viktor Yanukoviçin qonşuluğunda yerləşən qapalı kompleksdə “sakit, dəbdəbəli həyat” yaşayır.
 

Əsəd və ailəsi ictimaiyyətdən qaçır, siyasətlə məşğul olmur və sosial mediadan istifadə etmir. Keçmiş prezidentin həyat yoldaşı vaxtını fitnes, gözəllik salonları və alış-verişə həsr edir.

Xatırladaq ki, ötən ilin dekabrında devrilən Bəşər Əsəd siyasi sığınacaq kimi məhz Rusiyanı seçib və ölkə prezidenti Vladimir Putinin dəvətilə ailəsini götürərək Moskvaya qaçıb.

Bizim.Media