"Ayaks" klubu yeni transfer etdiyi ukraynalı futbolçu Aleksandr Zinçenkonun zədəsi ilə bağlı rəsmi açıqlama yayıb.
Bizim.Media klubun mətbuat xidmətinə istinadən xəbər verir ki, "Fortuna" ilə matçda zədələnən 29 yaşlı futbolçunun durumu gözlənildiyindən ağır olub.
Müayinələr nəticəsində oyunçunun dizində ciddi problem aşkarlanıb və onun təcili əməliyyat olunmasına qərar verilib.
Amsterdam təmsilçisi bərpa müddətini dəqiq açıqlamasa da, bərpa prosesinin uzun çəkəcəyini və Zinçenkonun mövsümü başa vurduğunu rəsmən təsdiqləyib.
Məlumata görə, bu cür zədələrin sağalması ən yaxşı halda 6 ay vaxt aparır.
Bizim.Media
