İsveçrə polisi, Tanzanyadan 262 kiloqram fil dişi qaçıran 3 çinlini Zürih hava limanında saxlayıb.
Avropa.info xəbər verir ki, çıxarılan dişlər üçün 50 filin öldürüldüyü təxmin edilir. Gömrük işçisi Heinz Vidmer 172 hissəyə ayrılaraq 8 çantaya yerləşdirilən dişlərin bazar dəyərinin təxminən 400 min dollar olduğunu bildirib. Tanzanyanın Darussalam kəndindən yola çıxan 3 çinli qaçaqların Zürih üzərindən Pekinə getmək istədikləri öyrənilib.
Çinli qaçaqların çantasında ayrıca 1 kiloqram ağırlığında 21 aslan dişi və 35 pəncə tapılıb. Saxlanılan çinli qaçaqlar gömrük qanunları və heyvan haqları pozulmasında mühakimə olunacaqlar.






























































































