ABŞ-ın ən böyük investorlarından biri, milyarder Uorren Baffet daha "Microsoft"un təsisçisi Bill Qeytsin xeyriyyə fonduna ianə etmək niyyətində olmadığını bəyan edib.
Bizim.Media xəbər verir ki, bu barədə iyulun 15-də Britaniyanın "Financial Times" (FT) qəzeti məlumat yayıb.
İş adamı "Gates Foundation" təşkilatını özünün illik ianələrinin alıcıları siyahısından çıxarıb. Beləliklə, Qeytsin xeyriyyə fondu 6 milyard dollar vəsaitdən məhrum olacaq.
Baffet səkkiz il ərzində bütün vəsaitlərini dörd ailə fonduna yönəltməyi planlaşdırdığını bildirib. Nəşrin məlumatına görə, Qeytsin təşkilatı, onun qalmaqallı maliyyəçi Ceffri Epşteynlə əlaqələri ilə bağlı silsilə ifşalardan sonra ianə alanlar siyahısından çıxarılıb.
95 yaşlı Baffetin Qeyts fondu ilə əməkdaşlıqdan imtinası barədə iyunun 30-da "The Wall Street Journal" qəzeti də məlumat vermişdi. Qeyd olunurdu ki, investor 20 il ərzində ilk dəfədir ki, "Microsoft"un təsisçisinin xeyriyyə fonduna müntəzəm ödənişini ləğv edib, çünki Qeytsin adı Epşteynin işi ilə bağlı qalmaqalda hallanır.
ABŞ prezidenti Donald Trampın onların açıqlanması haqqında qanun layihəsini 2025-ci il noyabrın 19-da imzalamasından sonra, 2025-ci il dekabrın 20-də "Epşteyn faylları" dərc olunmağa başlayıb.
ABŞ-ın keçmiş baş prokuroru Pem Bondi fevralın 14-də maliyyəçinin işi ilə bağlı fayllarda adı çəkilən 300-dən çox məşhur şəxsin siyahısını dərc edib. Mətndə ABŞ-ın 42-ci prezidenti Bill Klintonun, 46-cı dövlət başçısı Co Baydenin, "Microsoft" şirkətinin yaradıcılarından biri Bill Qeytsin, həmçinin müğənni Beyonsenin soyadlarının olduğu dəqiqləşdirilib.
Bizim.Media
