ABŞ Prezidenti Donald Tramp İrana qarşı İsrail-ABŞ birgə əməliyyatları fonunda NATO ölkələrinin mövqeyini tənqid edərək onları qorxaq və "kağız pələng" adlandırıb.
Bizim.Media xəbər verir ki, Ağ Evin rəhbəri bu barədə "Truth Social" platformasında paylaşım edib.
ABŞ lideri bildirib ki, alyansa üzv ölkələr əsasən neft qiymətlərinin artmasından şikayətlənirlər, lakin vəziyyəti tənzimləmək üçün Hörmüz boğazında blokadanın aradan qaldırılması istiqamətində konkret addımlar atmağa hazır deyillər.
O vurğulayıb ki, Hörmüz boğazında sadə hərbi manevr həyata keçirmək çətin deyil və bu addım ABŞ-nin NATO üzrə tərəfdaşları üçün minimal risk daşıyır.
"ABŞ olmadan NATO kağız pələngdir və onlar qorxaqdırlar. Biz bunu yadda saxlayacağıq", - deyə Donald Tramp NATO-ya müraciətində qeyd edib.
Bizim.Media
