Bakıda kran aşıb. Faktla bağlı araşdırma aparılır.
Moderator.az xəbər verir ki, Nəqliyyat Nazirliyi Nəqliyyatı İntellektual İdarəetmə Mərkəzindən oxu.az-a verilən məlumata görə, Nəriman Nərimanov prospektinin İnşaatçılar prospekti ilə kəsişməsində (Statistika dairəsi) yol-nəqliyyat hadisəsi baş verib.
Yol-nəqliyyat hadisəsi nəticəsində N.Nərimanov prospektində nəqliyyat vasitələrinin hərəkəti müvəqqəti məhdudlaşdırılıb.
Hal-hazırda aşmış texnikanın yoldan kənarlaşdırılması istiqamətində işlər aparılır.
NİİM sürücülərə alternativ olaraq İnşaatçılar prospektindən istifadə etməyi tövsiyə edir.
Hadisə şahidləri Oxu.Az-a bildiriblər ki, kran orda reklam lövhələrini götürmək istəyəndə aşıb.
Əraziyə polis cəlb olunub.
Faktla bağlı araşdırma aparılır.
