ACP lideri Rəsul Quliyev Milli Şuran sıralarını tərk edib. Eks-spiker bu barədə öz facebook səhifəsində yazıb. Moderator.az-a etibarlı mənbədən daxil olan məlumata görə Milli Şura yaxın günlərdə Rəsul Quliyevi qurumdan xaric edəcəkmiş. Bəzi iddialara görə ACP lideri Milli Şuradan kənarlaşdırılacağını bildiyindən hadisələri qabaqlayaraq bu addımı atıb.
Moderator.az-a
açıqlama verən ehtiyatda olan ədliyyə generalı, Milli Şura üzvü Vidadi
Mirkamalın sözlərinə görə, Rəsul Quliyevin bu qurumdan xaric olunma məsələsi
hələ seçkidən öncə gündəmdə olub:
“Rəsul Quliyev bu
günə qədər Milli Şuranın heç bir tədbirində iştirak etməyib. Cəmil Həsənli
Milli Şuranın vahid namizədi elan olunandan sonra R.Quliyevin Milli Şuraya
qarşı mövqeyi sərtləşdi. ACP liderinin bu davranışlarıından sonra onun qurumdan
xaric olunmasına dair təkliflər gündəmə gəlsə də biz seçki prosesinin sonunu
gözləmək qərarına gəldik. Rəsul Quliyev istefa etməsəydi belə biz onu
qurumdan kənarlaşdırmaq istəyirdik. Məsələ təkcə Rəsul Quliyevlə bitmir.
Bildiyimiz kimi Milli Şuranın elə üzvləri var ki əksər iclaslara iştirak etmir
və quruma heç bir müsbət töhfə verə bilmir. Biz yaxın vaxtlarda iclas keçirib
bu şəxslərin Milli Şuradan xaric olunması üçün məsələ qaldıracağıq. Hesab
edirəm ki, “Milli Şuranın sıralarında təmizləmələr olmalıdır.”
Xəyal Əzizov
