Moskvada Azərbaycan ilə Rusiya arasında iqtisadi əməkdaşlıq üzrə Hökumətlərarası Komissiyanın 21-ci iclası keçirilib.
Bizim.Media xəbər verir ki, Azərbaycanın Baş nazirinin müavini Şahin Mustafayev və Rusiyanın Baş nazirinin müavini Aleksey Overçukun sədrliyi ilə keçirilən iclasda hər iki ölkənin müvafiq dövlət strukturlarının rəhbərləri və səlahiyyətli nümayəndələri də iştirak ediblər.
Tərəflər Azərbaycan-Rusiya dostluq münasibətlərinin hərtərəfli inkişafından məmnunluq ifadə ediblər.
Qeyd olunub ki, Azərbaycan və Rusiya prezidentləri arasında fəal siyasi dialoq və şəxsi təmaslar ikitərəfli əməkdaşlığın bütün spektri üzrə yüksək dinamikanı təmin edir.
Vurğulanıb ki, Azərbaycan ilə Rusiya arasında ticari-iqtisadi münasibətlər çox müsbət tendensiyaya malikdir. 2022-ci ildə iki ölkənin ticarət dövriyyəsinin dəyəri 24 % artaraq 3,7 milyard ABŞ dollarını keçib.
Tərəflər həmçinin sənaye əməkdaşlığının uğurla inkişaf etdiyini vurğulayıblar.
Bildirilib ki, hər iki tərəf nəqliyyat və logistika əlaqələrinin inkişafına xüsusi önəm verir. Azərbaycan və Rusiya arasında yükdaşımaların həcmində müsbət artım dinamikası təmin edilib və bu, 2022-ci ildə 36 %-dən çox təşkil edib.
Tərəflər inkişafı üçün birgə səylərin göstərildiyi “Şimal-Cənub” Beynəlxalq Nəqliyyat Dəhlizinin layihəsini prioritet hesab ediblər.
İclasın yekununda Protokol imzalanıb.
Bizim.Media
![Azərbaycan-Rusiya Hökumətlərarası Komissiyasının iclası keçirilib Azərbaycan-Rusiya Hökumətlərarası Komissiyasının iclası keçirilib](https://bizim.media/file/articles/2023/07/07/1688739959_photo_5278385133587648656_y.jpg)
- A-
- A
- A+
Siyasət
18:14 / 07.07.2023
Azərbaycan-Rusiya Hökumətlərarası Komissiyasının iclası keçirilib
Hazırda oxunan: Azərbaycan-Rusiya Hökumətlərarası Komissiyasının iclası keçirilib
Hazırda oxunan: Azərbaycan-Rusiya Hökumətlərarası Komissiyasının iclası keçirilib
145115
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.