Müğənni Nadir Qafarzadə bir neçə gün əvvəl Rusiya hava limanında saxlanılmasından danışıb.
Bizim.Media xəbər verir ki, bu barədə müğənni sosial media hesabında bildirib:
"Hazırda Moskva şəhərindəyəm, axşam isə Bakıya uçacağam. Bildiyiniz kimi, Rusiyaya gələndə hava limanında 3 saat saxlanılmışdım. Amma təkcə mən deyil, orada qeyri-Rusiya vətəndaşlarının hamısı saxlanılmışdı.
Qeyd edim ki, Rusiyada hava limanında saxlanılma təkcə azərbaycanlılarla bağlı deyil. Əgər sən Rusiya vətəndaşı deyilsənsə, yoxlanılırsan.
Barmaq izi yoxlanışı, sorğu-sual və sairə. Əlbəttə ki, müharibə şəraitində yaşayan ölkədə belə də olmalıdır. Gəldiyin ölkənin qayda-qanununa əməl etməlisən. Xoşuna gəlmir, gəlmə, heç kim səni buna məcbur etmir".
Bizim.Media
