Erməni kilsəsinin katalikosu II Qaregin və Livandakı Kilikiya katalikosu Birinci Aram Türkiyəyə qarşı əmlak və ərazi iddiası ilə çıxış edib. Rəsmi Ankaraya üz tutan II Qaregin Eçmiədzin kilsəsinin Türkiyə tərəfindən müsadirə edilmiş əmlakını, Birinci Aram isə Kilikiya katalikosunun Türkiyədəki torpaqlarını geri qaytarmağa çağırıb və Türkiyənin Konstitusiya Məhkəməsinə müraciət edib.
Bununla
bağlı Moderator.az-a açıqlama verən millət vəkili Fazil Mustafa erməni kilsələrinin
bu iddialarının təmin olunma ehtimalının mümkünlüyünə diqqət çəkib:
“Kilsələrin
əmlak və ərazi iddiasının reallaşmasını mümkün hesab edirəm. Çünki Türkiyədəki
bugünkü anlayış və yanaşma ilə ermənilər istənilən iddialarını reallaşdıra bilərlər.
Burada heç bir təəccüblü şey yoxdur. Çünki Türkiyənin məsələlərə yanaşmasının özü yanlışdır. Ermənilərin türklərə
qarşı etdiyi cinayətlərlə bağlı qabaqlayıcı addımlar kifayət qədər atılmayıb. Türkiyə
Azərbaycanın Qarabağ problemi və bu problemdən doğan onlarla digər problemdən də
ermənilərə qarşı istifadə etməlidir. Lakin təəssüf ki, bu görünmür. Bu baxımdan
hesab edirəm ki, ermənilər Türkiyəyə qarşı istənilən iddianı reallaşdıra bilərlər”x9d.
Seymur
Əliyev
