ABŞ İsrailin İrana qarşı yeni müharibəyə başlamaq təklifini rədd etdi

İsrail ABŞ-a İrana qarşı yeni hərbi əməliyyatlara qoşulmağı təklif etsə də, Vaşinqton bu təklifi qəbul etməyib.

Bizim.Media xəbər verir ki, bu barədə Səudiyyə Ərəbistanının "Al Hadath" telekanalı adı açıqlanmayan israilli rəsmi şəxsə istinadən məlumat yayıb.

Mənbənin sözlərinə görə, İsrail təkcə İranın deyil, həm də onun müttəfiqlərinin mümkün hücumlarını dəf etməyə hazırdır.
 

O bildirib ki, İsrail hücuma məruz qalacağı təqdirdə böyük ehtimalla hərbi əməliyyatlara başlayacaq. Lakin ABŞ administrasiyası belə bir ssenarini də arzuolunmaz hesab edir.

Mənbə həmçinin İran rəhbərliyi daxilində fikir ayrılıqlarının olduğunu iddia edib. Bildirilib ki, İranın xüsusi xidmət orqanları ayətullah Əli Xameneinin öldürülməsinə cavab olaraq İsrail rəhbərliyinə qarşı sui-qəsdlər hazırlayıb. Bu iddia müstəqil mənbələr tərəfindən təsdiqlənməyib.

Bizim.Media