“Rusiyanın BMT-də mövcudluğu qeyri-legitimdir” – Ukrayna XİN-dən BƏYANAT

Hazırda oxunan: “Rusiyanın BMT-də mövcudluğu qeyri-legitimdir” – Ukrayna XİN-dən BƏYANAT

111782

"31 il əvvəl Rusiya BMT Nizamnaməsi ilə müəyyən edilmiş qanuni prosedurlardan yan keçərək SSRİ-nin BMT Təhlükəsizlik Şurasındakı yerini qəsb edib".

Bizim.Media xəbər verir ki, bunu Ukrayna XİN Rusiya Federasiyasının BMT Təhlükəsizlik Şurasında və bütövlükdə BMT-də mövcudluğunun qeyri-legitimliyi ilə bağlı bəyanatında qeyd edib.

Bəyanatda qeyd edilib ki, Rusiyanın BMT Təhlükəsizlik Şurasında və bütövlükdə BMT-də mövcudluğu qeyri-legitimdir:

“Rusiya Federasiyası BMT Nizamnaməsi ilə müəyyən edilmiş prosedurlardan yan keçərək BMT Təhlükəsizlik Şurasının daimi üzvü kürsüsünə keçib. Bu, RSFSR prezidenti Boris Yeltsinin 31 il əvvəl dekabrın 24-də BMT-nin baş katibinə ünvanlanmış adi məktubu əsasında baş verib.

Rusiya Federasiyası heç vaxt üzvlüyə qəbul olunmaq üçün hüquqi prosedurdan keçməyib və buna görə də qeyri-qanuni olaraq SSRİ-nin BMT Təhlükəsizlik Şurasındakı yerini tutur.

Hüquqi və siyasi baxımdan yalnız bir nəticə çıxarmaq olar: Rusiya Sovet İttifaqının BMT Təhlükəsizlik Şurasındakı yerini qəsb edəndir", deyə bəyanatda bildirib.

Bizim.Media