Bakıda dünyanın ən böyük DJ yarışmasının final mərhələsinə start verildi - FOTO

Bakıda dünyanın ən böyük DJ yarışmasının final mərhələsinə start verilib. 1-7 sentyabr tarixində Azərbaycanın paytaxtı Bakı şəhəri Red Bull Thre3Style Dünya Finalı çərçivəsində minlərlə tamaşaçı və The Magnificent DJ Jazzy Jeff, Z-Trip, Krafty Kuts, Skratch Bastid və Shortkut kimi məşhur DJ-lərdən təşkil olunmuş jüri qarşısında dünyanın 19 ən öndəgedən DJ-nin yarışmasını izləyəcək.

Red Bull Thre3Style 7 il əvvəl yerli yarışma kimi Kanadada başlamış, 2010-cu ildə isə ilk dəfə dünya arenasına çıxıb. Bu yarışma on ölkənin ən öndəgedən DJ-lərini üz-üzə gətirərək müasir DJ yarışmalarının simasını dəyişib. O vaxtdan bəri ötən dörd il ərzində Red Bull Thre3Style populyarlaşaraq hal-hazırda dünyanın ən böyük DJ yarışmasına çevrilib.

2012-ci ildən etibarən, Bakıda artıq üç dəfə milli final keçirilib. 3 dəfə də qalib DJ Twist olub. O, artıq iki dəfə dünya finallarında ölkənin şərəfini qoruyub, və məhz o, sentyabrda keçirilən çempionatda Azərbaycanı təmsil edəcək.