“Yeni ulduz” müsabiqəsi ilə tanınan müğənni Elnar Xəlilov evlənir. O, şairə Aysel Nəcəfli ilə ailə qurmaq qərarına gəlib.xa0
Cütlüyün elçilik mərasimi 6 sentyabr tarixində baş tutub.xa0 Elnar iki gün əvvəl instaqramda sevgilisinə evlilik təklifi edən videosunu paylaşıb.xa0
“Uzun müddət ərzində bir dəfə də olsun ki, əlindən tutmadım. Aramızda kirli düşüncələr olmadı, bir-birimizi saf sevdik. Barmağım belə sənə toxunmadı. Amma çox istərdim ki, əlindən tutaraq üzüyü taxım. Amma halalım deyilsən. Qarşında diz çökmüyəcəm, çünki sən də bunu diləmirsən. Üzüyü özün barmağına tax” – deyə Elnar bildirib.xa0xa0
Aysel isə həmin videonu səhifəsində paylaşaraq xoşbəxt olduğunu bildirib. O, daha sonra elçilik zamanı lentə alınan görüntüləri sosial şəbəkədə yayaraq belə şərh yazıb:
“Elnar bəylə hələ ki, haram olduğu üçün tortu bərabər kəsmədik. Mən də anasına tortu verim. Elnar da baxa-baxa qaldı. Kəbini kəsdirim, mən də toyda tort yeyərəm”.
Cütlüyün paylaşdığı videolar sosial şəbəkəkələrdə geniş müzakirə mövzusuna çevrilib.xa0 Sosial şəbəkə istifadəçiləri Elnar və Ayseli tənqid ediblər, onların paylaşımlarını birmənalı qarşılamayıblar.xa0
Elnar da instaqram səhifəsində onları tənqid edənlərin şərhini paylaşaraq cavab verib. Gəlinin vəhabi olduğunu iddia edənlərə isəxa0 “Hardan bu qənaətə gəldiz? Saqqal saxlayıb, bığını qırxıb və balağını qısaldıb? İçiniz rahat olsun, xanım şiədir” –deyə bildirib.xa0
