“Ermənistan minalanmış ərazilərin xəritələri vermir” - Kamran Əliyev

"Ermənistan minalanmış ərazilərin xəritələrini Azərbaycana vermir".

Bizim.Media xəbər verir ki, bunu Azərbaycanın Baş prokuroru Kamran Əliyev REAL TV-yə müsahibəsində deyib.

Onun sözlərinə görə, Ermənistan həmin xəritələri ya vermir, ya da verilən xəritələr tam dəqiq olmur: 

“Biz bu istiqamətdə fəaliyyətlərimizi davam etdiririk. Həm bir tərəfdən həmin ərazilərin öz gücümüzlə, müttəfiqlərimizin gücü ilə minalardan təmizlənməsini həyata keçiririk, həm də Ermənistan tərəfi ilə də danışıqlar aparırıq. Qazaxıstanın paytaxtı Nursultanda olarkən Rusiyanın Baş prokurorunun təşəbbüsü ilə Ermənistan Baş prokuroru ilə görüşdük. Onlar bizə söz veriblər ki, bu xəritələri qısa müddətdə aidiyyatı qurumlarla birgə hazırlayıb təqdim edəcəklər”.

Bizim.Media