"Ölkənin gələcək fəaliyyət strategiyasında Yeni Azərbaycan Partiyasının xüsusi, mərkəzi rolu vardır. Nəzərə almaq lazımdır ki, zaman keçir, dunyada müxtəlif istiqamətli dəyişikliklər gedir. Təbii ki, YAP da bu dəyişikliklərə uyğunlaşmalıdır. Bu baxımdan, ölkə Prezidenti 3 ay müddətində YAP-ın fəaliyyət proqramının hazırlanmasını tapşırdı".
Bu sözləri Bizim.Media-ya açıqlamasında Yeni Azərbaycan Partiyasının İdarə Heyətinin üzvü, millət vəkili Elşad Mirbəşiroğlu dilə gətirdi.
MÖVZU İLƏ BAĞLI:
“YAP qurultayında qəbul olunan qərarlar çox düşündürücüdür” – Müxalif partiyanın rəhbəri
YAP üzvü olan deputat partiyanın başlıca məqsədini açqladı:
"Başlıca məqsəd ondan ibarətdir ki, yeni dövrün tələblərinə uyğun elementlərlə zənginləşdirilən fəaliyyət proqramı üzrə hərəkət olunsun. Yeni reallıqlar fonunda Azərbaycanın bundan sonrakı inkişafına töhfələr verilsin.
Biz uğurlarımızı qiymətləndirməsək sabaha baxa bilmərik. YAP iqtidarının misilsiz nailiyyətləri mövcuddur.
Partiyanın VII qurultayını qalib dövlət olaraq keçirtdik. Cənab Prezident çıxışında bu məqamlara çox detallı şəkildə toxundu".
Anar Rəhimov, Bizim.Media
