Son zamanlar Türkiyədə silsilə terror aktları törədən PKK və onunla eyni yuvanın quşu olan terror təşkilatları Azərbaycanda rəsmi olaraq terror qurumları kimi tanınmır.
Maraqlıdır, bu təşkilatın ölkəmizdə rəsmən terror təşkilatı kimi tanınmasına nə mane olur?
Moderator.az-a açıqlamasında Yeni Azərbaycan Partiyasının funksioneri, millət vəkili Aydın Mirzəzadə bildirib ki, Azərbaycanda PKK-ya birmənalı olaraq mənfi münasibət göstərilir:
“Bizim PKK-ya olan münasibətlərimiz birmənalı olaraq mənfidir. Türkiyənin ərazi bütövlüyünə təhlükə yaradan istənilən təşkilat Azərbaycanın da düşmənidir. Sadəcə olaraq bizim ölkəmizdə xaricdə fəaliyyət göstərən təşkilatların hər hansısa statusda tanınması praktikası mövcud deyil. Amma Azərbaycan üçün təbii ki, PKK terror təşkilatıdır.”x9d
