Türkiyə yaxın altı ay ərzində Ermənistanla quru sərhədini açma imkanını nəzərdən keçirir.
Bu addım Avropada Soyuq müharibə dövründən qalan son bağlı sərhədin açılması ilə nəticələnə və Cənubi Qafqazda ticarətin bərpasına şərait yarada bilər.
Bizim.Media xəbər verir ki, bu iddianı Bloomberg-in mənbələri yayıb.
Qeyd olunur ki, Azərbaycanla diplomatik irəliləyiş və Türkiyə sərhədinin açılması Ermənistanın baş naziri Nikol Paşinyana 2026-cı ilin iyununda keçiriləcək parlament seçkiləri ərəfəsində mühüm siyasi üstünlük verəcək.
Mənbələrin sözlərinə görə, əgər Paşinyan seçkilərdə qalib gəlsə, Azərbaycanla sülh sazişini imzalaya bilər.
Məhz bundan sonra Türkiyənin Ermənistanla diplomatik münasibətləri bərpa etmək üçün İrəvana səfir təyin edə biləcəyi bildirilir.
Bizim.Media
