Azərbaycanda pambıq istehsal edən ən böyük şirkət CƏRİMƏLƏNƏ BİLƏR

Hazırda oxunan: Azərbaycanda pambıq istehsal edən ən böyük şirkət CƏRİMƏLƏNƏ BİLƏR

85938

“MKT İstehsalat Kommersiya” MMC barəsində inzibati protokol tərtib edilib.

Bizim.Media xəbər verir ki, şirkət barəsində İnzibati Xətalar Məcəlləsinin 544.1-ci (istehlakçıların hüquqlarının müdafiəsini həyata keçirən müvafiq icra hakimiyyəti orqanının vəzifəli şəxsləri tərəfindən qanuna uyğun yoxlamaların və digər nəzarət tədbirlərinin keçirilməsinə maneçilik törədilməsinə və ya həmin məqsədlə səlahiyyətli şəxslərin yoxlama yerinə buraxılmamasına, yaxud həmin şəxslərin qanuni tələblərinin yerinə yetirilməməsinə görə) maddəsi ilə inzibati protokol tərtib edilib.

İş baxılması üçün İmişli rayon Məhkəməsinə göndərilib.

İşə hakim Ülvi Qənbərovun sədrliyi ilə yaxın günlərdə baxılacaq.

Protokol məhkəmə tərəfindən təsdiq edilərsə, şirkət dörd min manatadək cərimə ediləcək.

Qeyd edək ki, “MKT İstehsalat Kommersiya” MMC-nin əsas fəaliyyət istiqaməti pambığın yetişdirilməsi, tədarükü və pambıqtəmizləmə müəssisələrində emalından ibarətdir.

Eldar Məmmədli, Bizim.Media