Ağdam rayonunda internetin verilməsində hələ də çətinlik var.
Bizim.Media-nın yerli bürosunun xəbərinə görə, problemə səbəb yeraltı xəttin zədələnməsi olub.
Belə ki, rayonun Eyvazlı kəndi ərazisində yol kənarında şumlama işləri aparan texnika xətti zədələyib.
Nəticədə Dadaşlı, Kəlbəhüseynli, Sarıçoban, Paşabəyli, Kolqışlaq, Mirəşelli kəndləri, həmçinin Bənövşələr qəsəbəsində internetin verilməsi dayanıb.
Qeyd edək ki, ötən gün 17:40 radələrindən yaranan çətinliyin aradan qaldırılması istiqamətində işlər aparılır.
***09:07
Ağdamda bir neçə kənd və qəsəbədə internetin verilməsində çətinlik yaranıb.
Bizim.Media-nın yerli bürosuna verilən məlumata görə, axşam saatlarından yaranan çətinlik hələ də aradan qaldırılmayıb.
Problemə səbəbin internet xəttində baş verən qəza olduğu deyilir.
Elgün Gəncimsoy, Bizim.Media, Qarabağ bürosu
