Elman Telman oğlu Abdullayev Azərbaycan Respublikasının Efiopiya Federativ Demokratik Respublikasında, Keniya Respublikasında, Cibuti Respublikasında və Ruanda Respublikasında fövqəladə və səlahiyyətli səfiri, eyni zamanda, Azərbaycan Respublikasının Afrika İttifaqı yanında və BMT-nin Nayrobi şəhərindəki bölməsində daimi nümayəndəsi vəzifələrindən geri çağırılıb.
Bizim.Media-nın xəbərinə görə, bununla bağlı Prezident İlham Əliyev sərəncam imzalayıb.
Dövlət başçısının digər sərəncamı ilə Elman Telman oğlu Abdullayev Azərbaycan Respublikasının UNESCO yanında daimi nümayəndəsi təyin edilib.
Qeyd edək ki, Elman Abdullayev 1976-cı ildə Gəncədə anadan olub. Gəncə şəhər 14 saylı orta məktəbi bitirib.
Misirin Qahirə Universitetində ali təhsil alıb. ABŞ-ın Kaliforniya Dövlət Universitetində magistr dərəcəsinə yiyələnib.
1999-cu ildən Azərbaycan Xarici İşlər Nazirliyində işləyib.
Yaxın Şərq idarəsində, Azərbaycanın Avropa İttifaqındakı nümayəndəliyində xidmət edib, Los-Ancelesdəki Baş konsulluğunda konsul vəzifəsində çalışıb.
18 sentyabr 2014-cü il tarixində Azərbaycan Respublikasının Efiopiya Federativ Demokratik Respublikasında fövqəladə və səlahiyyətli səfiri təyin edilıb.
Ailəlidir, iki övladı var.
Bizim.Media
- A-
- A
- A+
Siyasət
13:40 / 16.12.2020
Prezident bu ölkələrdəki səfiri geri çağırdı
Hazırda oxunan: Prezident bu ölkələrdəki səfiri geri çağırdı
Hazırda oxunan: Prezident bu ölkələrdəki səfiri geri çağırdı
5409
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
