“Özəl məktəblərlə bağlı qərarı öz təsisçiləri verəcək”.
Bizim.Media xəbər verir ki, bunu Təhsil naziri Emin Əmrullayev 2021-2022-ci tədris ilinin təşkili ilə bağlı keçirdiyi brifinqdə deyib. Nazirin sözlərinə görə özəl tədris müəssisələri daha kiçik həcmlidir və say etibarilə azdır:
MÖVZU İLƏ BAĞLI:
Vaksin olunmayan tələbələrə GÜZƏŞT edilməyəcək - Emin Əmrullayev
“Bu məktəblərin sayı pandemiya vəziyyətini dəyişə bilməz, amma məktəbin özünü dəyişə bilər. Yəni orada da yoluxmaların baş verməsi mümkündür.
Bu məktəblər təsisçinin qərarı ilə bir həftə əvvəl açıla bilər. Həmin müəssisələrə daha anlayışlı davranırıq. Amma sosial məsuliyyət nəzərə alınmalıdır. Rəhbərlik qərar versə ki, bir həftə başlayırıq, bunu anlayışla qarşılayacaqğıq”.
Qeyd edək ki, yeni tədris ilinin başlanmasına bir həftə vaxt qalıb.
Alçina Amilqızı, Bizim.Media
