Dünyanın ən böyük kosmik kompleksi bu şəhərdə açıldı - VİDEO

Dünyanın ən böyüyü olan “Şanxay Planetarium” kompleksi bu gün rəsmi olaraq ziyarətçiləri qəbul etməyə başlayıb.

Bizim.Media xəbər verir ki, bu haqda məlumatı TASS agentliyi yayıb.

Mənbə yazır ki, Çində bu kompleksin açılması Şanxay şəhər sakinləri arasında böyük səs-küyə səbəb olub.

Səhər kompleksin ətrafında böyük bir növbə düzülüb. İçəri yalnız əvvəlcədən alınmış biletlə daxil olmaq mümkün olub. 

“Planetarium”un ilk günündə təxminən 6 min insan ziyarətçi olub.

2016-cı ilin noyabrında inşasına başlayan kompleksin ümumi sahəsi 38 min kvadratmetrdir və ona bitişik konstruksiyalı kompleksin hamısı 58,6 min kvadrat metr ərazidədir.

Bizim.Media