ABŞ prezidenti Donald Trampın ən yaxın müşavirləri İranda uranın zənginləşdirilməsi üçün yaradılmış yeraltı zavoda zərbə endirməyin məqsədəuyğun olmadığına onu inandıra biliblər.
Bizim.Media xəbər verir ki, bu barədə “New York Times” qəzeti yazıb.
Qəzetin yazdığına görə, ötən cümə axşamı Tramp görüşlərin birində müşavirlərindən qarşıdakı həftələrdə İranın əsas nüvə obyektinə qarşı hərəkətə keçmək üçün seçimlərinin olub-olmadığını soruşub.
ABŞ-ın vitse-prezidenti Maykl Pens, dövlət katibi Mayk Pompeo və digərlərinin də daxil olduğu məsləhətçilər qrupu Trampı güc tətbiq etməkdən çəkindiriblər.
Onlar bildiriblər ki, prezidentlik müddətinin son həftələrində İran obyektlərinə endiriləcək zərbə asanlıqla daha geniş qarşıdurmaya çevrilə bilər.
Qəzet qeyd edir ki, İrana endiriləcək zərbə Vaşinqtonla Tehran arasındakı münasibətləri o qədər zəhərləyəcək ki, Co Baydenin söz verdiyi İran atomu üzrə 2015-ci il razılaşmasını bərpa etmək çox çətin olacaq.
Bizim.Media
![Tramp İranın uran zavoduna zərbə endirmək istədi Tramp İranın uran zavoduna zərbə endirmək istədi](https://bizim.media/file/articles/2020/11/17/1605590458_zz.jpg)
- A-
- A
- A+
Siyasət
09:19 / 17.11.2020
Tramp İranın uran zavoduna zərbə endirmək istədi
Hazırda oxunan: Tramp İranın uran zavoduna zərbə endirmək istədi
Hazırda oxunan: Tramp İranın uran zavoduna zərbə endirmək istədi
2828
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.