Şəmkirdə ölümlə nəticələnən yol nəqliyyat qəzası baş verib.
Bizim.Media-nın yerli bürosunun məlumatına görə, hadisə Şiştəpə kəndində qeydə alınıb.
1992-ci il təvəllüdlü Anar Atakişizadə idarə etdiyi "KİA" markalı avtomobildə idarəetməni itirib və nəticədə maşın aşıb.
Qəza zamanı sərnişin, 1968-ci il təvəllüdlü İntiqam Atakişiyev aldığı xəsarətdən hadisə yerində dünyasını dəyişib.
Avtomobilin digər sərnişinləri, Şiştəpə kənd sakinləri, 1993-cü Orxan Atakişiyev, onun həmyaşıdı Cəmil İbadullayev müxtəlif dərəcəli bədən xəsarətlər alaraq Şəmkir rayon Mərkəzi Xəstəxanasına yerləşdiriliblər.
Onlara ilkin tibbi yardım göstərilib, vəziyyətlərinin orta-ağır olduğu bildirilir. Faktla bağlı araşdırma aparılır.
Məqsəd Rəhimov, Bizim.Media, Qərb Bürosu
