Bu bölgəmizdə də hava sərin keçir – FOTO

İyulun ilk günlərindən başlayaraq Şimal-Qərb rayonlarında hava şərin, bəzən də qısamüddətli yağıntılarla müşahidə edilir. 

Bizim.Media-nın yerli bürosu xəbər verir ki, adətən iyul ayında bölgə rayonlarında temperatur 28-35 dərəcə arasında dəyişdiyi halda bu il fərqli iqlim yaşanır.

Bölgənin dağlıq və dağətəyi yaşayış məntəqələrində temperatur 17-19 dərəcə, aranda isə 20-22 dərəcə arasında dəyişir. 

Qeyri sabit hava şəraiti istirahət məkanları üçün əlverişli olsa da kənd təsərrüfatında çalışanlara heç bir faydası yoxdur. Xüsusən taxıl biçinləri ilə məşğul olanlar belə hava şəraitində məhsulu götürməkdə xeyli çətinlik yaşayır. 

Regional Hidrometerologiya Müəssisəsindən isə bildirilir ki, daha bir gün hava şəraiti qeyri sabit keçəcək. Növbəti günlərdə istilər özünü göstərməyə başlayacaq. 












Tural Rasimoğlu, Bizim.Media, Şimal-Qərb bürosu