"Ermənistanın Gürcüstan və Azərbaycanla siyasi və iqtisadi əlaqələrin fəal inkişafına ehtiyacı olduğu bir həqiqətdir".
Bizim.Media "News.am"a istinadən xəbər verir ki, bunu Ermənistan Prezidenti Armen Sarkisyan Tbilisidə jurnalistlərə müsahibəsində deyib.
MÖVZU İLƏ BAĞLI:
“Sülhməramlıları çıxarmaq cəhdi Gürcüstana baha başa gəldi” – Qarabağdakı aysberqin görünməyən TƏRƏFİ
Sarkisyan Gürcüstanda keçirilən görüşlər zamanı mümkün təkliflərin, nəqliyyat sahəsinin müzakirə olunduğunu deyib:
“Hər şeyi müzakirə etdik. Hamı başa düşür ki, Ermənistan bir yol ayrıcına çevrilməlidir, amma bu istiqamətdə bir çox çətinlik var. Yolun açılmasından əvvəl min bir addım atılmalıdır. Ancaq Ermənistanın həm Gürcüstan, həm də Azərbaycanla diplomatik və iqtisadi əlaqələrin daha fəal inkişafına ehtiyac duyması bir həqiqətdir”.
Bizim.Media
