“Bu gün Azərbaycan kinosu xəstədir” – Rasim Balayev 

“Bu gün Azərbaycan kinosu xəstədir. Bunun sağalmaq imkanı var, yaxşı həkimlərə aparsaq diriltmək mümkündür”.

Bizim.Media xəbər verir ki, bunu bu gün yenidən yaranmış Azərbaycan Kinematoqrafçılar İttifaqının sədri vəzifəsinə seçilən Xalq artisti Rasim Balayev deyib. 

Sədr bildirib ki, bu ittifaq hamıya aiddir: 

"Mən Azərbaycan kinosunun relsə düşməsini görmək istəyirəm. Bizim səlahiyyətimiz çərçivəsində hamıya yiyə duracağıq. Bu ittifaq təkcə orada işləyən adamların deyil, hamının ittifaqıdir. Tək kinomuz naminə lazım gələndə hökumətdən də kömək istəyəcəyik. Nə qədər canımızda can var Azərbaycan kinosunun inkişafı üçün hər şey edəcəyik".

Günay Şahmar, Leyla Qəhrəmanova, Bizim.Media