Azərbaycanda əhalinin 60.0%-i türk dünyası əməkdaşlığın genişlənməsini vacib sayır.
Bizim.Media xəbər verir ki, bu barədə Sosial Tədqiqatlar Mərkəzi məlumat verib.
MÖVZU İLƏ BAĞLI:
Əhalinin neçə faizi Ermənistanla sülh müqaviləsini dəstəkləmir? – SORĞU
Qurumdan bildirilib ki, dünyada ötən illərdə pandemiya, iqtisadi böhran və davam edən hərbi münaqişələr beynəlxalq sistemin dayanıqlılığı ilə müzakirələri gündəmə gətirməklə yanaşı, geosiyasi qeyri-müəyyənlik yeni əməkdaşlıq platformaları istiqamətində axtarışlara da zəmin yaradıb.
Sosial Tədqiqatlar Mərkəzi bundan irəli gələrək, regionun yüksələn gücü olaraq Azərbaycanın yeni dövrdə milli və regional maraqlar baxımından hansı qrup ölkələrlə əməkdaşlığının daha üstün hesab edildiyi barədə ictimai rəyi öyrənib.
Rəy sorğusunun nəticələrinə əsasən, ölkə ictimaiyyətinin 60.0%-i türk dünyası ölkələri ilə, 13.7%-i İslam ölkələri ilə, 9.9%-i məhz qonşu ölkələrlə əməkdaşlığına daha çox üstünlük verdiyini bildirib.
Sorğuda iştirak edənlərin 6.6%-i keçmiş sovet ölkələri, 3.3%-i Qərb ölkələri ilə əməkdaşlığını üstün hesab etdiyini ifadə edib. Respondentlərin 2.8%-i digər cavab variantlarını səsləndirib, 3.7%-i bu barədə fikir bildirməkdə çətinlik çəkib.
Surxay Atakişiyev, Bizim.Media
