Balakəndə dördotaqlı ev YANIB - FOTO

Axşam saatlarında Balakən rayonunun Gərəkli kənd sakini Pədima Əlisoltanovaya məxsus mənzildə yanğın baş verib. 

Bizim.Media-nın yerli bürosu bildirir ki, bu zaman mənzildə heç kim olmadığından yanğın tez alovlanıb. 

Hadisədən qonşular gec xəbər tutub. 

Yanğının söndürülməsi üçün Gərəkli kəndinə Balakən rayon Dövlət Yanğından Mühafizə Hissəsinin iki yanğınsöndürən maşını və şəxsi heyəti cəlb edilib. Bütün cəhdlərə baxmayaraq, mənzildəki yanğını söndürmək mümkün olmayıb. Ev əşyaları ilə birlikdə yanıb. 
Ətrafdakı tikililər yanğından mühafizə olunub.Yanğın zamanı xəsarət alan olmayıb.

Hadisənin baş vermə səbəbləri araşdırılır.


Tural Rasim oğlu, Bizim.Media, Şimal-Qərb bürosu.