''Qəsrdə sakitcə….'' - Şahzadə Filipin son arzusu

İngiltərə kraliçası II Elizabetin həyat yoldaşı,  Şahzadə Filipin son arzusu bəlli olub.

Bizim.Media-nın məlumatına görə, bu barədə “New York Post”a   kral ailəsinə yaxın mənbədən açıqlama verilib.

Mənbə bildirib ki, Filip təlaş istəmirdi:

''Hersoq Vindzordakı qəsrdə sakitcə vəfat etməyi çox istəyirdi. O, hər şeyin sona kimi öz yolu ilə getməsini arzulayırdı''.

Bundan başqa, şahzadə Filip  dəfn mərasiminin dövlət səviyyəsində keçirilməməsini deyib.

Qeyd edək ki, Şahzadə Filip aprelin 9-da Vindzor qəsrində 99 yaşında vəfat edib. Onun 2 ay sonra – iyun 10-da 100 yaşı tamam olacaqdı.

Bizim.Media