Xarici ölkələrə viza düzəltmək adıyla vətəndaşlara qarşı çoxsaylı dələduzluq əməllərində şübhəli bilinən Piriyev Rüfət polis əməkdaşları tərəfində müəyyən olunaraq saxlanılıb.
Bu barədə Bizim.Media-ya DİN-in mətbuat xidmətindən bildirilib.
Məlumata görə, qaldırılan cinayət işi üzrə istintaq hərəkətləri davam etdirilir.
Qeyd edək ki, “Abroad” MMC-nin rəhbəri və “Greencard Azerbaijan” şirkətinin direktoru kimi tanınan R. Piriyevin sosial şəbəkələrdə vətəndaşdan 20 min ABŞ dolları aldığı və qaytarmadığına dair iddialar yayılıb.
Belə ki, zərərçəkmiş Rüfət Piriyevin alınan məbləği 2023-cü ilin sentyabr ayının 11-də qaytaracağına dair vədini lentə alaraq sosial şəbəkələrdə paylaşıb.
Bizim.Media
