Artıq Qubanın dəniz səviyyəsindən 2250 metr hündürlükdə yerləşən Xınalıq kəndində də gilas yetişir.
Bu barədə kənd sakini Səxavət Sultanov Bizim.Media-ya məlumat verib.
Onun sözlərinə görə, əvvəllər kənddə gilas yetişməyib. Qışda sərt iqlimə görə burada gilas yetişməyib, həm də yerləşdiyi coğrafi məkana görə gilas ağacı bitməyib.
Çünki qışda 29 dərəcədə buz bağlayan ağac çiçək açanda 3 dərəcə şaxtaya dözmür və çiçəyi tökülür.
Səxavət Sultanov deyir ki, onun həyəti dəniz səviyyəsindən 2150 metr hündürlükdə yerləşir. Artıq bu il əkdiyi gilas ağacı bar da verib. O , bunu əvvəlki illərlə müqayisədə nisbətən istiləşmə ilə izah edir.
Aytəkin Alxaslı, Bizim.Media, Şimal bürosu
