Kreml Ermənistanın Baş naziri Nikol Paşinyanın Rusiya Prezidenti Vladimir Putinlə telefon danışığından sonra “İsgəndər” raketlərinin effektivliyi ilə bağlı onun yanlış məlumatlandırılması qənaətinə gəlməsindən məmnundur.
Bizim.Media “RİA Novosti”yə istinadən verdiyi xəbərə görə, bu barədə Rusiya Prezidentinin mətbuat katibi Dmitri Peskov bildirib.
MÖVZU İLƏ BAĞLI:
Paşinyandan Putinə üzrxahlıq - ''İsgəndər'' barədə məni səhv məlumatlandırıblar''
“Məsələ ilə bağlı həqiqət öz yerini tapdı”,- deyə Kremlin sözçüsü vurğulayıb.
Xatırladaq ki, Ermənistan Baş nazirinin mətbuat katibi Mane Gevorqyan N. Paşinyanın Rusiyanın “İsgəndər” operativ-taktiki raketlərinin effektivliyi ilə bağlı yanlış məlumatlandırıldığını və bu məsələnin Rusiya Prezidenti Vladimir Putinlə telefon danışığı zamanı müzakirə olunduğunu söyləyib.
Bizim.Media
