Salyanda yanğın zamanı yanıq xəsarətləri alan iki qardaşdan biri ölüb.
Bizim.Media-nın cənub bürosunun məlumatına görə, hadisə dünən axşam saatlarında rayonun Həsənli kəndində qeydə alınıb.
Belə ki, kənd sakini, İsmayılov Amilə məxsus fərdi yaşayış evi anidən alovlanıb. Hadisə yerinə FHN-in Salyan Yanğından Mühafizə hissəsinin canlı qüvvəsi və texnikası cəlb olunub.
Yanğın zamanı 2018-ci il təvəllüdlü İsmayılov Nihad Amil oğlu ağır yanıq xəsarətləri ilə hadisə yerində ölüb.
Qardaşı 2013-cü il təvəllüdlü İsmayılov İsmayıl Amil oğlu isə müxtəlif dərəcəli yanıq xəsarətləri ilə Salyan Mərkəzi Rayon Xəstəxanasına çatdırılıb.
Xəstəxanada ilkin tibbi yardım göstərildikdən sonra vəziyyəti ağır olduğundan İ. İsmayılov Bakıya göndərilib.
Faktla bağlı araşdırma aparılır.
Elşən Feyzullayev, Bizim.Media
