Masallı rayonunda ağır yol qəzası olub.
Bizim.Media-nın cənub bürosunun verdiyi məlumata görə, qəza Köhnə-Ələt Astara magistral yolunun Masallı rayonunun Xıllı kənd ərazisindən keçən hissəsində qeydə alınıb.
Belə ki, Xıllı kənd sakini Dadaşov Elnur Zahir oğlu idarə etdiyi "KİA Optima" markalı avtomobillə Lənkəran istiqamətində hərəkətdə olarkən idarəetməni itirib.
Nəticədə avtomobil dərəyə aşıb. Müxtəlif dərəcəli xəsarətlər alan sürücü Lənkəran Rayon Mərkəzi xəstəxanasına yerləşdirilib.
Faktla bağlı araşdırma aparılır.
Elşən Feyzullayev, Bizim.Media, Cənub bürosu
