“Zirə” “Səbail”i məğlub etdi - VİDEO

Bu gün Misli Premyer Liqasında yeni mövsümün ilk turuna yekun vurulub.

Bizim.Media xəbər verir ki, turun sonuncu oyununda “Zirə” “Səbail”i qəbul edib. Beş qolun qeydə alındığı oyun meydan sahiblərinin qələbəsiylə yekunlaşıb.

Xatırladaq ki, daha öncə “Qarabağ” səfərdə “Araz-Naxçıvan”a (4:1), “Sumqayıt” evdə “Kəpəz”ə (2:0) qalib gəlib, “Neftçi”nin “Turan Tovuz”la ev oyunu qolsuz yekunlaşıb.

Bu gün keçirilmiş “Sabah” – “Şamaxı” matçında da qalib müəyyənləşməyib – 2:2.

Misli Premyer Liqası

1-ci tur

4 avqust

“Zirə” – “Səbail” 4:1

Qollar: Davit Volkov, 12; 27; 45. İssa Cibrilla, 90+5 – Ayman Buali, 49.

Hakimlər: Rəvan Həmzəzadə, Cəmil Quliyev, Şirmamed Mamedov, Əli Əliyev.

Zirə İdman Kompleksinin stadionu, 20:00.


Rəşad Rafiqoğlu, Bizim.Media