Yeni Gəncə qəsəbəsində bəzi əraziləri su basıb, fəsadlar aradan qaldırılıb.
Bu barədə Bizim.Media-ya Fövqəladə Hallar Nazirliyinin (FHN) Mətbuat xidmətindən məlumat verilib.
Bildirilib ki, nazirlik intensiv yağıntıların törətdiyi fəsadların aradan qaldırılması istiqamətində zəruri tədbirlər görür.
Belə ki, FHN-in “112” qaynar telefon xəttinə Gəncə şəhəri, Yeni Gəncə yaşayış massivində intensiz yağışlar nəticəsində bəzi ərazilərin subasmaya məruz qalması barədə məlumat daxil olub. Bununla əlaqədar FHN-in Gəncə Regional Mərkəzinin qüvvələri yağıntıların törətdiyi fəsadların aradan qaldırılması işlərinə cəlb olunub.
FHN-in qüvvələri tərəfindən su basmış yerlərdən suyun çəkilərək kənarlaşdırılması təmin edilib.
Bizim.Media
