İradə qızının FOTOlarını paylaşdı - "Qol-qanadını qırmayın" - FOTO 

Türkiyədə yaşayan müğənni İradə İbrahimova qızı ilə bağlı paylaşım edib.  

Bizim.Media xəbər verir ki, sənətçi qızı İpəklə birgə çəkdirdiyi fotolarını sosial şəbəkə hesabında paylaşaraq, valideynlərin övladları ilə olan davranışlarına daha həssas yanaşmağı məsləhət görüb.  

“Əs dəli külək, əs! Sən, elə əs ki, hər şey saçlarımın dağınıqlığında qalsın. Bir yerdə oxumuşdum bu misraları və çox bəyənmişdim. Övladlarınıza, "sürüdən ayrılarsan qurda-quşa yem olarsan" deyib qol-qanadlarını qırmayın”.  

Əksinə, sürüdən ayrılmağa cəsarət edərsən, özünü taparsan deyərək, ürəkləndirin. Övladım, heç kimə dəymədən, incitmədən küləyi arxana al və yoluna davam et” – deyə, İ.İbrahimova “Instagram”da yazıb.  
Qeyd edək ki, İ.İbrahimova 13 il əvvəl, 2009-cu ildə ailə həyatı qurub. İradə-Ceyhun cütlüyünün İpək adlı qızı, Əli adlı oğlu var.  

Rəşad Əliyev, Bizim.Media