Türkiyənin Ərzurum şəhərində məktəbli oğlan və qız boksçular arasında Avropa birinciliyində finalçıların adları bəlli olub.
Bizim.Media xəbər verir ki, 28 ölkədən 378 idmançının qatıldığı yarışda Azərbaycan millisinin daha bir idmançısı yarımfinal döyüşünü qələbə ilə başa vurub.
Emanuel Kioaba (Rumıniya) və Tsotne Muntçavanı (Gürcüstan) məğlub edən Sübhan Babayev 1/2 finalda Georgi Ralfa (İngiltərə) da qalib gəlib. 44 kq çəki dərəcəsində mübarizə aparan boksçumuz 3:2 (27:29, 29:27, 29:27, 27:29, 30:26) hesabı ilə qələbə qazanıb.
O, finalda italiyalı Antoni El Moetti ilə üz-üzə gələcək.
Bağır Əlimxanlı (46 kq) və Banuçiçək Nəsirli (44 kq) isə Avropa birinciliyini bürünc medalla bitiriblər.
Yarımfinalda müvafiq olaraq Mixael Xames (İngiltərə) və Crinnion Lauren Doerti (İrlandiya) qalib gələrək finala yüksəldiklərindən boksçularımız 3-cü yerlə kifayətləniblər.
Beləliklə, avqustun 20-də baş tutacaq final görüşlərində Azərbaycanın 2 boksçusu çempionluq döyüşünə çıxacaq. Sübhan Babayevlə yanaşı, Əli Məmişov (70 kq) da qızıl medal uğrunda qüvvəsini sınayacaq. Onun rəqibi Giorgi Biqvava (Gürcüstan) olacaq.
Bizim.Media
- A-
- A
- A+
İdman
13:10 / 19.08.2022
Daha bir boksçumuz finalda – Avropa birinciliyi
Hazırda oxunan: Daha bir boksçumuz finalda – Avropa birinciliyi
Hazırda oxunan: Daha bir boksçumuz finalda – Avropa birinciliyi
89411
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
