Futbol üzrə Azərbaycan Premyer Liqasında XXIV tura start verilib.
Bizim.Media xəbər verir ki, açılış oyununda "Qarabağ" Qəbələdə eyniadlı komandanın qonağı olub. Görüş "köhlən atlar"ın 2:0 hesablı qələbəsi ilə başa çatıb.
Ağdam klubundan hər iki qolu İbrahima Vadji vurub. Seneqallı hücumçu 6-cı və 14-cü dəqiqələrdə fərqlənərək, bombardirlik yarışında ikinci pilləyə yüksəlib. Aktivində 10 qolu olan 27 yaşlı forvard "Sabah"ın yarımmüdafiəçisi Coy-Lens Mikelsdən cəmi 1 top geri qalır.
Bu qələbədən sonra xallarını 58-ə çatdıran "Qarabağ" liderliyini möhkəmlədib və çempionluğa bir az da yaxınlaşıb. Bölgə təmsilçisinin ən yaxın izləyicisi "Neftçi" bu gün "Səbail"lə səfər matçında xal itirsə, Qurban Qurbanovun baş məşqçi olduğu kollektiv sona 4 tur qalmış qızıl medalları təmin edəcək.
"Qəbələ" isə 35 xalla hələlik 4-cü pillədə yer alıb.
Qeyd edək ki, turun digər oyununda "Sabah" "Şamaxı" ilə qarşılaşır. Tura eyni saatda start götürəcək "Səbail" - "Neftçi" və "Sumqayıt" - "Zirə" görüşləri ilə yekun vurulacaq.
Bizim.Media
- A-
- A
- A+
İdman
19:23 / 24.04.2022
"Qarabağ" "Qəbələ"ni məğlub etdi - "Neftçi" bu gün xal itirsə...
Hazırda oxunan: "Qarabağ" "Qəbələ"ni məğlub etdi - "Neftçi" bu gün xal itirsə...
Hazırda oxunan: "Qarabağ" "Qəbələ"ni məğlub etdi - "Neftçi" bu gün xal itirsə...
71193
© Materiallardan istifadə edərkən hiperlinklə istinad olunmalıdır.
Mətndə səhv varsa, onu qeyd edib ctrl + enter düyməsini basaraq bizə göndərin.
Mətndə səhv varsa, onu qeyd edib ctrl + enter düyməsini basaraq bizə göndərin.
